•  Welsh Varsity Boat Race 28th April, 2012

Caerdydd yn cynnal Digwyddiad rhwyfo dan do

Penodwyd Canolfan Gweithgareddau Dwr Bae Caerdydd (CBWAC) gan Ras Gychod Colegau Cymru i gynnal ei digwyddiad blynyddol, sydd wedi'i gynnal ers saith mlynedd.

Bob blwyddyn, bydd prifysgolion Caerdydd ac Abertawe yn mynd benben â’i gilydd i ennill teitl Pencampwyr Ras Gychod Colegau Cymru.

Cynhelir ras eleni ddydd Sadwrn 28 Ebrill ar Afon Taf, Caerdydd. Cynhelir pedair ras, gan gynnwys rasys i Ddynion a Merched, rhwng 11:15am a 2:15pm. Bydd pob ras yn dechrau is y pontydd rheilffordd, gyferbyn â Bragdy Brains, ac yn gorffen yn arhosfa Tacsi Dwr CBWAC.

Bydd seithfed Ras Gychod Colegau Cymru yn gystadleuaeth gyffrous, ac mae gan Gaerdydd ac Abertawe griwiau o’r radd flaenaf ym mhob categori.

Dywedodd rheolwr Canolfan Dwr Gwyn Ryngwladol Caerdydd, Chris Hadfield: “Mae gan CBWAC enw da am gynnal digwyddiadau poblogaidd. Mae hefyd yn darparu hyfforddiant o’r safon uchaf sy’n helpu pobl o bob oedran a gallu i ddysgu’r sgiliau sydd eu hangen i fwynhau rhwyfo.

Mae Ras Gychod Cymru yn datblygu bob blwyddyn a bydd cyfleusterau fel CBWAC yn sicrhau y bydd rhwyfo’n parhau i fod yn un o chwaraeon mwyaf llwyddiannus Prydain.”

Amseroedd Rasio

11.15am Ras i Ddechreuwyr y Merched

12.15pm Ras i Ddechreuwyr y Dynion

1.15pm Y Brif Ras i Ferched

2.15pm Y Brif Ras i Ddynion

23/04/12

Ddydd Sul 8 Mai teithiodd academi newydd ei sefydlu sef Academi Rwyfo Caerdydd a’r Fro i leoliad rhwyfo Olympaidd 2012 yn Llyn Dorney er mwyn cael eu profiad cyntaf o rasio ar y dŵr yn Regata’r Ball Cup. Mae’r digwyddiad wedi ei anelu at glybiau llai ac iau nad sy'n disgwyl ennill medal yn Regata Cenedlaethol Ysgolion ac mae'n rhoi blas gwych i glybiau iau o gwrs aml lôn 750 metr.

Rasiodd tîm iau o 10 mewn amrywiol ffyrdd: pedwar â llywiwr, sgwlio dwbl a sgwlio sengl gan berfformio’n wych ym mhob maes a hynny o dan amodau heriol. Cafwyd perfformiadau nodedig oddi wrth Matt Jackson, Blwyddyn 7, a ddaeth i’r rownd derfynol ar gyfer sgwlio Blwyddyn 8 (gan ddod yn 5ed), a Charlotte Certelli a Sophie Bell, sgwliau dwbl merched Blwyddyn 8, a fethodd ond y dim â dod i’r rownd derfynol â’u perfformiad dygn mewn cystadleuaeth galed.

Mae pawb sy’n cymryd rhan yn y Blades wedi dysgu sut i rwyfo ar hyd cyrsiau'r haf diwethaf ac wedi hyfforddi'n galed gydol misoedd y gaeaf er mwyn bod yn barod am eu ras gyntaf. Rydym bob amser yn ceisio chwyddo’r niferoedd sydd gennym drwy ein cyrsiau dysgu rhwyfo ar bnawniau Sul ac yn ystod gwyliau ysgol. Edrychwch ar ein tudalennau rhwyfo am ragor o wybodaeth am y cyrsiau a sut i archebu.

Bydd Canolfan Gweithgareddau Dŵr Bae Caerdydd yn cynnal ei regata rhwyfo cyntaf ddydd Mawrth 21 Mehefin ar y cyd â Chwaraeon Caerdydd. Mae’r rasio wedi’i anelu at ddechreuwyr i’r gamp sydd wedi bod yn rhan o gyrsiau dysgu rhwyfo Blades dros y misoedd diweddar. Rydym yn apelio at ysgolion yng Nghaerdydd a Bro Morgannwg i gael timoedd o 5 at ei gilydd i gwblhau cwrs Blades ym mis Mai a mis Mehefin ac felly cystadlu yn y regata. Bydd rasys dechreuwr sengl, dwbl a phedwar â llywiwr ar gael ar gwrs tua 350 metr o hyd.

Cysylltwch â gstorey@caerdydd.gov.uk am ragor o fanylion.

16/05/10